Elseid Hysaj mbrëmjen e djeshme pranoi publikisht se do të konsiderojë largimin nga Lazio.
Skuadra italiane nuk beson më te mbrojtësi i kombëtares shqiptare, sepse e ka hequr nga lista e kampionatit, dhe sezonin e mbetur kapiteni kuqezi do të duhet ta ndjekë nga tribuna.
Kjo e ka gjetur në befasi Hysajn, i cili pas ndeshjes me Gjeorgjinë deklaroi se nuk kishte asnjë informacion për vendimin e klubit.
“Nuk jam konsultuar ende me klubin për këtë lajm. Ishte e befasishme për mua, sepse në fillim luajta 5 minuta kundër Milanit dhe më pas u grumbullova me kombëtaren”, u shpreh Hysaj.
“Nuk kam patur mundësi të flas për heqjen e emrit tim nga lista. Sapo të kthehem në Itali, do të flas dhe do të marr një vendim, sepse nuk besoj se do të vazhdoj me këto kushte”, shtoi Hysaj.
